Hotel Xanela Da Lúa

Localización :

Xanela da Lúa atópase en Lira, no concello de Carnota.
Estas terras non só poden presumir de paisaxe senón que tamén contan cun patrimonio cultural amplo e variado, resultado dunha rica historia.
Da época prehistórica, consérvanse varios petroglifos, destacando o coñecido como "Laxe escrita",descuberto en 1980por un grupo de escolares.
Da época celta destacar a presenza de varios castros.O mellor conservado é o de Mallou, que ainda presenta restos das murallas e das antigas vivendas. A actual Lira asentouse sobre os restos doutro castro, conservando incluso a estructura circular na disposición das vivendas.
Mención especial merecen os hórreos carnotáns, sobre todo dous deles, o de Lira e o de Carnota que rivalizan en dimensións e monumentalidade.
Os 42kms. de litoral do Concello constitúen unha interminable sucesión de praias e areais coa indiscutible beleza da natureza en estado puro.
O Monte Pindo, considerado como Olimpo Celta, é unha mole de granito de biotita que se eleva 627m. sobre as augas do mar. A súa ladeira norte está atravesada polo tramo final do río Xallas, único río Europeo que desemboca en cascada no mar.
A 10Kms. a vila de Muros declarada Conxunto Histórico-Artístico en 1970.
Muros é unha das vilas medievales mellor conservadas de Galicia na que a arquitectura civil está superada polas construccións relixiosas, lembranza da dependencia da Mitra Compostelana.
A medio camiño entre Lira e Muros está Monte Louro e a lagoa de Xalfas, separada do mar polas dunas da praia do Ancoradoiro, zona de paso de aves migratorias.
A casa ten unha situación privilexiada, en menos de unha hora podemos chegar a Fisterra, Camariñas, Muxía cara ao norte e a Noia, Castro de Baroña e Dunas de Corrubedo cara o sur. En menos dunha hora podemos desplazarnos tamén a Santiago de Compostela.

Nota : La ubicación del hotel en el mapa es orientativa.